Këngëtarja popullore ruse dhe propagandistja famëkeqe e Putinit, Yuliya Chicherina, e cila ka qenë një mbështetëse e zjarrtë e pushtimit të përgjakshëm rus që nga fillimi, dërgoi një mesazh rrëqethës për Vitin e Ri për ukrainasit. Fillimisht ajo u tha ukrainasve të dorëzoheshin dhe pikërisht këtu filloi çmenduria.
“Është koha për hakmarrje! Mëkatet tuaja do të pastrohen në gulashin tonë dhe më pas do të jeni në gjendje të ktheheni në botën ruse e cila do të mposht gjithçka! Unë u them besimtarëve: Kjo është koha e lirisë së vërtetë dhe gjithçka që kemi ëndërruar! Tani është koha të vendosim se kush jemi, heronj të pavdekshëm apo tradhtarë të turpëruar! Të gjithë duhet të marrin pozicionin e tyre në front, në mbrojtje të Nënës Rusi! Ura!”, tha ajo.
Nga rruga, Chicherina përfundoi në listën e një raporti të përpiluar nga Forumi i Rusisë së Lirë, i cili përmend luftëtarët më të këqij rusë. Lista përmban 1500 persona nga jeta publike ruse, duke përfshirë anëtarë të komandës ushtarake, artistë dhe atletë që kanë mbrojtur publikisht agresionin e Putinit ose janë të përfshirë drejtpërdrejt në të.
Nga ana tjetër ditën e djeshme Rusia ka akuzuar Ukrainën se nuk ka respektuar armëpushimin të vendosur nga vetë ajo me rastin e festimeve të Krishtlindjeve Ortofokse. Armëpushimi do të zgjastë 36 orë. Edhe më herët Ukraina kishte deklaruar dhe kishte hedhur poshtë këtë ide duke cituar se ishte thjesht një dredhi nga ana e Rusisë.
“Përkundër faktit se sot, 6 janar, nga ora 12:00 me orën e Moskës, trupat ruse po respektonin regjimin e armëpushimit, regjimi i Kievit vazhdoi të bombardonte vendbanimet dhe pozicionet e trupave ruse”, tha Ministria e Mbrojtjes ruse në një deklaratë.