Mbikalimi në hyrje të qytetit të Shkodrës është shembur.
Ngjarja ka ndodhur pak minuta më parë ndërsa nuk dihet nëse është goditur nga ndonjë mjet i lartë apo është shembur vetë nga punimet pa cilësi.
Fatmirësisht nuk ka të lënduar. Mbikalimi u rikonstruktua vetëm pak muaj më parë.
Rreth orës 12:00, është shembur pjesërisht mbikalimi i këmbësorëve, në vendin e quajtur “Ura e Bahçallëkut”.
Në momentin e shembjes, nuk ka patur në lëvizje automjete dhe as këmbësorë.
Në vendngjarje janë shërbimet e Policisë, shërbimet e zjarrfikëses dhe të Entit Pronar të Rrugës, të cilët po punojnë për hapjen e rrugës.
Grupi hetimor ndodhet në vendngjarje dhe nën drejtimin e Prokurorisë, po punon për zbardhjen e shkakut të shembjes së mbikalimit.