Kryeministrja daneze Mette Frederiksen ka mbajtur një konferencë për mediat gjatë vizitës së saj në Shqipëri. Ajo u shpreh se e vlerëson partneritetin me vendin tonë dhe shpreson në forcimin e bashkëpunimit.
“Shqipëria është një partner mjaft i vlerësuar për Danimarkën dhe ju jeni një aleat mjaft i vlerësuar i NATO-s.
Të gjithë duhet të jemi të vetëdijshëm për situatën shumë të brishtë të vendeve të Ballkanit Perëndimor.
Mendoj se përkushtimi juaj ndaj vlerave evropiane është i rëndësishëm dhe po kështu kjo është pjesë mjaft e fortë e çeljes së negociatave për anëtarësimin e Shqipërisë në BE.
E di që është një punë mjaft e madhe dehe kërkon shumë zgjidhje, shumë reforma, por unë e di që ju keni kapacitetin për ta bërë këtë dhe ne ju mbështesim fort në rrugëtimin dhe drejtimin tuaj,” – u shpreh Frederiksen.