Një nga argjendaritë luksoze në qendër të Parisit është vënë në shënjestër të grabitësve me zyrtarët që thonë se këta të fundit janë larguar që andej me bizhuteri me vlerë mbi 1 milionë euro.
Në videot e publikuara në mediat sociale, shiheshin dy motoçikleta të zeza të ndalura para argjendarisë ndërsa një person i veshur me të zeza dhe me kasketë në kokë, bënte roje. Kalimtarët ndërkohë largoheshin të panikosur pasi shihnin grabitësin e armatosur.
Pas grabitjes, të tre autorët janë larguar me shpejtësi ndërkohë që policia u vendos në kërkim të autorëve.
I njëjti dyqan, është grabitur edhe në vitin 2021, me dëmet që në atë kohë u përllogaritën në vlerë rreth 10 milionë euro.