Bashkë me boomin turistik që ka shpërthyer në Europë këtë sezon, kanë shpërthyer edhe çmimet e larta në këtë sektor. Pavarsisht shtrenjtimit të pushimeve, kërkesa nuk mungon, duke bërë që dhe niveli i inflacionit në kontinentin antik, të qëndrojë kokëfortë në nivele tepër të larta.
Vizitorët dhe turistët e kontinentin europian, po përballen me çmime më të larta, pasi operatorët trasferojnë kostot e tyre tek çmimi final.
Greqia regjistroi 5,76 milion vizitor vetëm në 5 muajt e parë të vitit. Kroacia mirëpriti 2,7 milion pushues vetëm në qershor, një rritje prej 2,8% nga viti i kaluar.
Gjitjashtu dhe Shqipërinë, e vizituan mbi 3,4 milion vetëm në gjysmën e parë të vitit.
Por për Bankën Europiane, shqetësimi qëndron se vala e inflacionit “veror”, e nxitur nga boomi i turizmit, mund të vështirësoj përpjekjet e institucionit për të kontrolluar çmimet.
Sias të dhenave zyrtare, turizmi kontribuon drejtpërdrejtë në 4% të prodhimit në Bashkimin Europian, që në tre mujorshin e parë dhe të dytë të vitit, ka regjistruar një zgjerim mesatar prej 0.3% në të gjithë kontinentin
Megjithatë, ky zgjerim i konsumit të pushimeve nga ana e vizitorëve, ka kontribuuar gjithashtu në forcimin e nivelit të inflacionit, që megjithë masave të ndërmarra, vijon të qëndroj i lartë.
Gjithashtu, dhe kompanitë e fluturimeve, kanë rritur çmimet e biletave. Të dhënat e Këshillit Ndërkombëtar i Aeroporteve në Evropë, pasqyrojnë një rritje të vizitorëve nga Shtetet e Bashkuara të Amerikës.
Në një sondazh nga Komisioni Euripian i Udhëtimeve, 44% e turistëve amerikan kanë deklaruar se parashikojnë të shpenzojnë mesatarisht më tepër se 1500 euro për person, 33% më shumë sesa një vit më parë.
Sipas Bankës Europiane, përgjegjës për rritjen e çmimeve në sektorin e shërbimit, janë pikërisht shpenzimet për pushime dhe udhëtime.
Me një vlerë prej 5,6% të regjistruar në muajin korrik, inflacioni shënon maksimumin historik, larg objektivit prej 2%.
Instituti thekson se është e rëndësishme monitorimi i këtij komponenti të konsumit, për shkak të implikimeve dhe rrisqeve që mund të pasqyroj në inflacion.
Pavarësisht rritjes së çmimeve, kërkesa turistike vijon të mbetet e lartë. Por rritja e çmimeve mund të ndikoj në vendimet e politikës monetare të BQE, e cila mund të veproj në rritjen e mëtejshme të normave të interesit për të menaxhuar inflacionin në treg.
