Dy vite më parë, demokratët, të udhëhequr nga ish-kryeministri Sali Berisha, organizuan një protestë para selisë blu, që kulmoi me përdorimin e dhunën dhe përplasjeve.
Të drejtuar nga Berisha tani në arrest shtëpie, mbështetësit e tij hynë me dhunë në seli duke shkatërruar gjithçka, pavarësisht se grupimi i Lulzim Bashës kishte marrë masa duke blinduar dyer e dritare.
Lidhur me këtë, në një reagim në rrjetet sociale deputetja demokrate Flutura Açka shkruan se 8 janari është ditë turpi dhe duhen bërë hetime nga SPAK. Açka thotë se mbështetësit e Berishës minimalisht duhet të kërkojnë ndjesë, ndërsa SPAK duhet të bëjë punën e tij për të vënë para përgjegjësisë autorët.
“Në fakt 8 janari ynë është bërë për SPAK, sepse: Nuk ka asnjë ndjesë në dy vjet. Por kam tri pyetje:
– Ku është fatura e 1700 hunjve ndaj demokratëve?
– Ku është fatura e pagesës së keqbërësve me pagesë, të njëjtët që morën pjesë më 21 janar në anën e PS dhe sa herë në anët ku kërkohen si mercenarë, specialistët e levave dhe kokadashëve?
– Ku është fatura për median që i kushtoi disa emisione shpërthimit të dyerve të blinduara (ftesë për dhunë të hapur), duke ftuar specialistë të fushës së shpërthimeve e levave kokës?
8 janari është TURPI ynë i ngrënë me bukë! Dhe prapë, specialistët e tymit, flakës, dhunës flasin për demokraci. Nuk ishte vetëm 8 janari, por edhe ajo çfarë e pasoi 8 janarin, nga e cila zor se do të shërohemi lehtë. Duhet humanizëm, dhe politika shqiptare nuk e njeh këtë fjalë, të paktën aq sa kam mundur ta njoh unë.
Kjo është arsyeja pse kam zgjedhur anën e më humanes së mundshme në lebetinë tonë, me të cilën duket se jemi mësuar tashmë. Të paktën, kërkoni ndjesë! Kush ka për të kërkuar”, shkruan Açka.