Aktivistja Evi Kokalari vijon të “sulmojë” dhe ironizojë kryetarin e Partisë Demokratike, Sali Berisha, për të cillin ka thënë më herët se ka për qëllim ta shkatërrojë.
Marrëdhënia mes tyre dikur ka qenë mjaft e ngushtë. Kokalari mbështeste Berishën në rrugëtimin e tij të Foltoreve nëpër Shqipëri pasi u shpall “non grata” dhe pasi Basha e përjashtoi nga PD-ja.
Por, kohët e fundit marrëdhënia mes tyre ka ndryshuar tërësisht. Kokalari ka theksuar se është kundër Berishës por jo kundër PD-së. Sipas saj, Berisha po e shkatërron partinë duke e përdorur për intersa personale.
Evi Kokalari e cila thotë se ka vetëm për qëllim rrëzimin e Sali Berishës, në rrjete sociale ka publikuar një video ku shihen dy persona të cilët marrin një buf nga rruga dhe kujdesen për të.
Me ironi, në mbishkrimin e videos Kokalari shprehet “Unë në Shtator të vitit 2021”, duke ju referuar kohës kur vetë Kokalari u bashkua me Sali Berishën dhe e mbështeti.
