Takimi Konsultativ i Ministrisë së Brendshme me donatorët shërbeu edhe për prezantimin e Ilir Beqajt si drejtues i Agjencisë që merret me ndihmat e donatorëve të huaj. Në takim ishte e pranishme edhe ambasadorja amerikane Yuri Kim, e cila duket se nuk e ka mirëpritur ndryshimin e axhendës.
Në momentin që Ilir Beqaj ka marre fjalën në takim, gjë që nuk ishte parashikuar në axhendë, Ambasadorja amerikane duket teksa mbyll dosjen. Në pamjet e ofruara nga regjia qendrore e Ministrisë së Brendshme nuk fokusohet momenti kur ambasadorja Yuri Kim në shenjë demonstrative është larguar nga salla, pak pasi Ilir Beqaj ka nisur fjalimin e tij. Por burime diplomatike konfirmojnë se ambasadorja pasi ka mbyllur dosjen është ngritur nga karrigia dhe ka lënë sallën.
