Miliarderi amerikan Elon Musk propozoi zgjidhjen e tij për konfliktin midis Kinës dhe Tajvanit – t’i jepte një pjesë të kontrollit Pekinit.
Lajmi u bë i ditur nga Musk gjatë një interviste për Financial Times, Bloomberg dhe Reuters.
“Rekomandimi im…është që të krijohet një zonë e posaçme administrative për Tajvanin që do të ishte mjaft e pranueshme, por që nuk mund t’i bënte të gjithë të lumtur…Dhe është shumë e mundur, dhe mendoj se ndoshta në të vërtetë, ata mund të lidhin një marrëveshje më të butë se Hong Kongu (në 1997, Rajoni i Posaçëm Administrativ i Hong Kongut u kthye në protektoratin kinez, por me një garanci për autonomi të gjerë deri në 2047)”.
Në Shangai, kompania e makinave elektrike Tesla e Musk ka fabrikën e saj.
Musk tha gjithashtu se Pekini kishte kërkuar garanci se nuk do të ofronte shërbimin e internetit Starlink të SpaceX në Kinë.
Sipërmarrësi amerikan beson se një konflikt mbi Tajvanin është i pashmangshëm dhe ka paralajmëruar për ndikimin e tij të mundshëm jo vetëm te Tesla, por edhe te prodhuesi i iPhone, Apple Inc dhe ekonominë në tërësi.
