Azgan Haklaj, i ftuar në Dritare TV, ka komentuar paraqitjen e figurave politike në SPAK dhe ka komentuar rëndësinë e votës së diasporës.
Ai ka theksuar se drejtësia mund të vonohet, por nuk harron, duke shtuar se ka shumë politikanë që duhet të përballen me pasojat e veprimeve të tyre. Ai gjithashtu e quajti SPAK-un shpresën e popullit shqiptar.
“Kam deklaruar disa herë në studion tuaj që populli duhet të duroj, sepse shqiptarët do të shohin shumë kurbanë politike. Deri tani kanë shkuar shumë figura politike, por e rëndësishmja në këtë mes është se po respektohen institucionet. Drejtësia vonon, por nuk harron. Këta na kanë vjedhur demokracinë, na kanë mbajtur peng, na kanë vjedhur gëzimin e jetës.
Berisha mendon se e ka dërguar Zoti në Tokë që të përcaktojë fatet e njerëzve. Ata thonë që diaspora është shpresa jonë. Këta harrojnë që ata njerëz që ikën, ikën pikërisht nga këta qeveritarë dhe regjimet e tyre. Shpresa është vetëm SPAK-u.” – tha Azgan Haklaj.
