Kontrata që Kylian Mbappé nënshkroi majin e kaluar është më e rëndësishmja në historinë e sportit. As Messi me rinovimin e tij në vitin 2017 me Barcelonën nuk iu afrua shifrave të tilla. Gazeta “Le Parisien” ka pasur akses në kontratën e francezit dhe ka zbuluar sekretet e negociatave që u bënë çështje shtetërore, me ndërhyrjen e Emmanuel Macron, president i Francës. Nëse Mbappé vazhdon në Paris edhe për tri sezone, sulmuesi do të fitojë 630 milionë euro bruto.
23-vjeçari nënshkroi për dy vite, me opsionin e një të treti që mund ta ekzekutojë vetëm në mënyrë të njëanshme. Paga e tij, prej 72 milionë euro bruto në sezon, 6 milionë bruto në muaj, është pa dyshim më e rëndësishmja që një sportist ka nënshkruar ndonjëherë dhe, natyrisht, një futbollist. Deri më sot, kontrata më e rëndësishme ishte ajo e Messit, të cilën ai e rinovoi më 2017 për katër sezone dhe fitoi 555 milionë euro.
Shifrave stratosferike të kontratës së Kylian Mbappé duhet t’iu shtojmë variabla të ndryshëm që përfaqësojnë rritje të konsiderueshme në listën e pagave të tij. Sipas “Le Parisien”, PSG e pagoi atë 180 milionë euro si bonus nënshkrimi, pas përfundimit të rinovimit të fundit. Edhe pse nuk ka shpërblime për performancën sportive, skuadra pariziene do t’i paguajë atij një bonus shtesë, konkretisht besnikërinë, që do të rritej me kalimin e viteve në rast se ai nuk largohej në verë.
Vitin e parë, pra më 2023, Mbappé do të marrë 70 milionë; të dytin 80 dhe të tretin, i cili është ai që do të materializohej nëse vendos të zbatojë klauzolën e njëanshme, 90 milionë. Shifra të paarritshme për çdo ekip tjetër futbolli. Shumat mbresëlënëse që merr Mbappé do të kishin një mbajtje prej 45% për kontributet sociale dhe taksat mbi përfitimin.
Për ta vënë në kontekst, nga 630 milionë euro që do të fitonte nëse do të përmbushte tri vite kontratë, në neto do të mbesin 210 milionë, që do të përbënin një të katërtën e buxhetit të PSG-së. Lojtari, edhe pse i mohoi këto informacione javën e kaluar, dëshiron të largohet sa më shpejt nga Parisi, pasi është i pakënaqur me premtimet që Al-Khelaifi nuk i ka mbajtur.
Ja 10 kontratat më të mira në historinë e sportit botëror, sipas gazetës franceze në fjalë:
1.Kylian Mbappé (PSG, Futboll, Francë) – 630 milion € bruto gjatë 3 viteve – Nënshkruar më 2022
2.Lionel Messi (FC Barcelona, Futboll, Spanjë) – 555 milionë euro bruto në 4 vite – Nënshkruar më 2017
3.Patrick Mahomes (Kansas City Chiefs, futbolli amerikan, Shtetet e Bashkuara) – 510 milionë euro bruto gjatë 10 viteve – Nënshkruar më 2010
4.Floyd Mayweather Jr (Boks) – 456 milionë euro bruto në 30 muaj për 6 ndeshje – Nënshkruar më 2013
5.Mike Trout (LA Angels, Basketboll, Shtetet e Bashkuara) – 432 milionë euro bruto në 12 vite – Nënshkruar më 2019
6.Canelo Álvarez (Boks) – 370 milionë euro bruto në 5 vite – Nënshkruar më 2018
7.Mookie Betts (LA Dodgers, Basketboll, Shtetet e Bashkuara) – 370 milionë euro bruto në 12 vite – Nënshkruar më 2020
8.Francisco Lindor (NY Mets, Basketboll, Shtetet e Bashkuara) – 346 milionë euro bruto gjatë 10 viteve – Nënshkruar më 2022
9.Fernando Tatis Jr. (San Diego Padres, Basketboll, Shtetet e Bashkuara) – 345 milionë euro bruto në 14 vite – Nënshkruar më 2021
10.Bruce Harper (Philadelphia Phillies, Basketboll, Shtetet e Bashkuara) – 335 milionë euro bruto në 13 vite – Nënshkruar më 2019
