Presidenti Bajram Begaj ka dekretuar Edi Ramën si kryeministër të qeverisë së re të dalë nga zgjedhjet e 11 majit.
Në dekretin e firmosur nga Begaj, bie në sy një detaj interesant, pasi në nenin 2 shkruhet: “Kryeministri ushtron dhe përgjegjësinë për ngritjen dhe funksionimin e ministrit te inteligjencës artificiale Diella”.
Pas mandatimit si kryeministër, Rama duhet ose të kthehet vetë në Presidencë ose me postë të dërgojë dekretet e ministrave të rinj.
Me marrjen e këtyre dekreteve presidenti do marrë kohën e vet të bëjë verifikimin e pastërtisë së figurës për ministrat e propozuar.
Pas verifikimit të figurës dekrete duhet të firmosen nga Begaj dhe nëse nuk ka kundërshtim dërgohen në Parlament.
Javën e ardhme bëhet votimi i kabinetit të ri qeveritar, të cilët më pas do shkojnë në Presidencë dhe të kryejnë betimi me dorë në Kushtetutë.
