Komisioni i Sigurisë është shoqëruar me debate të ashpra mes mazhorancës dhe opozitës. I pranishëm për të raportuar është drejtori i Përgjithshëm i Policisë së Shtetit, për të folur për sulmin kibernetik.
Por deputeti demokrat Ervin Salianji përmendi rastin e fundit të vdekjes së Lear Kurtit, duke drejtuar gishtin nga drejtuesit e policisë, por kryetari i Komisionit, Nasip Naço i ndërpreu fjalën.
“Ne kemi denoncuar dhe denoncojmë përfshirjen e drejtuesve të lartë të shtetit në paligjshmëri, në moszbatim të ligjit dhe në përfshirjen e manipulimeve kriminale. Nuk I bën mirë policisë së shteti mbrojtja e paduhur
Edhe në ngjarjen e fundit nëse nuk do kishtë nxitim për manipulim të ngjarjes, padiskutim që nuk do ishim këtu.
Këtu ka një shqetësim, që policia që duhet të ruajë qytetarët mos t’i vrasë. Ne mbështetjen e japim, por që ta kapet me zë dhe figurë në manipulim të ngjarjes.
Ore ju do distancohuni, pumonjësit e policisë e ngerinin një qënie njerëzore sikur të ishte thes”, tha ndër të tjera Salianji.
Nga ana tjetër, deputeti i PS, Toni Gogu, iu drejtua duke i thene se “do rrini edhe 10 vjet aty ku jeni”.
Gogu: Ne si kolegë ju themi mos të humbasim kohë me të bërit politikë mbi halle njerëzish e fatkeqësi. Sa i përket vetingut të policisë, drejtori tha jam i gatshëm të vij, ju zotrinj sot do qe mirë ta fillonit se ju keni heshtur kur kanë ndodhur ngjarje shumë të rënda.
Është e rëndësishme që kur doni të filloni për mirëefunksionimin e policisë fillon me ça kemi bërë ne keq dhe ca kemi bërë ne mirë.
Deputete e PD: Nuk jemi për analizë
Gogu: Nuk jeni për analizë, prandaj rrini aty ku keni ndonjur 10 vjet do rrini edhe 10 të tjera.
