Kryeministri Edi Rama po merr pjesë në Konferencën “Shqipëria, Horizonti i ri” që po mbahet në Vjenë.
Në fjalën e tij, kreu i qeverisë u ndal te anëtarësimi në BE, teksa tha se procesi ka përparuar shumë për shkak të meritave të Shqipërisë, por gjithashtu edhe prej qasjes së ndryshuar nga udhëheqësit e Unionit.
“Jemi në proces që ka përparuar shumë, praktikisht po çelim kapitujt e negociatave me një shpejtësi që nuk është parë ndonjëherë më parë gjatë procesit të anëtarësimit por është kombinim i meritës tonë dhe qasjes së re të BE kundrejt zgjerimit.
Falë ose për shkak të luftës në Ukrainë, që e ka tronditur fort Evropën dhe që i ka përcuar udhëheqësve të BE mesazhin që rëndësia gjeopolitike e Evropës së bashkuar është ekzistenciale dhe që Ballkani Perëndimor natyrshëm është pjesë e së ardhmes së organit të BE.
Falë asaj që kem bërë dhe për atë që ka bërë Putin jemi aktualisht në një proces tejet të intensifikuar të anëtarësimit dhe jam shpresë plotë, që do të ndodhë herët më shumë se vonë, ndërkohë që plani rënë dakord me Komisionin është përfundimi i pjesës tejknike, të gjitha bisedimët në fund të 2027.”, theksoi Rama.
