Autoritetet greke, kanë arrestuar ditën e sotme modelen e njohur Afroditi Barba.
Arrestimi i saj është bërë, pasi gjatë kontrolleve të kryera në mjetin “Range Over” i janë gjetur 35 gramë kokainë, të fshehura poshtë sedilies së shoferit.
Modelja është shoqëruar menjëherë për në komisariatin e Glyfadas, ndërsa mjeti me të cilin po udhëtonte është sekuestruar.
Barba ka mohuar akuzat e ngritura, duke thënë para hetuesve se nuk e dinte se po udhëtonte me sasi droge brenda në makinë.
Policia po heton tanimë shumë versione për këtë ngjarje, një prej të cilave është që modelja e mbante drogën për konsumim vetjak.
