Pritjes i ka ardhur fundi dhe aktorja Eliza Dushku tashmë ka sjellë në jetë djalin e dytë.
Ajo dhe bashkëshorti i saj, Peter Palandijan, e kanë pagëzuar të birin me emrin Bodan. Lajmin e ëmbël e dha vetë aktorja shqiptare me anë të një postimi në Instagram, duke publikuar edhe disa foto.
Në fillim, artistja shihet me barkun e rrumbullakosur duke pozuar herë vetëm e herë me bashkëshortin e saj, ndërsa në fund, Eliza publikoi një foto të këmbëve të vogëlushit të porsalindur.
Aktorja dhe partneri i saj u bënë prindër për herë të parë në vitin 2019, me një djalë, të cilin e pagëzuan me emrin Philip Bourne Dushku Palandjian, por shkurt e thërrasin Bourne.