Pas pesë ditë kërkimesh, është gjetur trupi i pajetë i minatorit, Muharrem Plaku, i cili ishte bllokuar brenda një miniere në Bulqizë. Mësohet se trupi i tij është gjetur në hapësirën e galerisë në një distancë rreth 450 metra në thellësi, i zënë poshtë nga materiali i shembur.
Kujtojmë se ngjarja u raportua rreth orës 12.00 të së mërkurës, kur pas shembjes së mineraleve, Murahrrem Plaku mbeti i bllokuar brenda minierës.
Grupi i avarisë vijoi kërkimet të cilat rezultuan pa rezultat për pesë ditë.
Familjarët dhe kolegët e tij pritën me ankth dita ditës, por për fat të keq, nuk qe e mundur që Plaku të nxirrej i gjallë.
