TIRANË – Varianti Omicron i covid19 ka alarmuar sërish botën, ndërsa shkencëtarët nuk kanë shumë të dhëna në dispozicion.
Komiteti Teknik i Ekspertëve do të mblidhet sot në orën 14:00, për situatën epidemiologjike në vend.
Komiteti Teknik ka vendosur që doza e tretë përforcuese të bëhet për çdo qytetar të grupmoshës +18 vjeç, 6 muaj pasi ka bërë dozën e dytë.
Edhe kryeministri Edi Rama në një postim në Facebook u bën thirrje qytetarëve që të vijojnë të vaksinohen me dozën e tretë për të qenë të mbrojtur gjatë dimrit.
Nuk dihet nëse Komiteti do të vendosë për masa shtrënguese.