Shuplaka e Will Smith ndaj Chris Rock në ceremoninë e çmimeve Oscar është bërë kryefjalë e të gjitha medieve.
Megjithatë, duket se një moment kishte kaluar pa u kapur. Së fundmi është publikuar një video ku duket se bashkëshortja e aktorit, Jada Pinkett Smith qesh teksa sheh në sy Rock pas shuplakës së famshme.
Videoja e postuar në TikTok është xhiruar nga dyshemeja e Teatrit Dolby në Hollywood të dielën, duke hedhur akoma më shumë dritë mbi sulmin që mahniti botën.
Edhe pse fytyra e saj nuk mund të shihet qartë, Pinkett Smith duket se qesh menjëherë pas shuplakës. Aktorja, 50 vjeçe, i hedh një vështrim të shkurtër burrit të saj teksa ai bërtet për herë të parë: ‘Mbaje emrin e gruas sime jashtë gojës tënde’.
Megjithatë, ajo i mban sytë e saj të ngulur në Rock ndërsa Smith përsërit kërkesën e tij me një volum më të lartë. Pinkett Smith më pas duket se qesh përsëri ndërsa Rock përsërit shakanë e tij për të sëmurin nga alopecia që duket si GI Jane, duke thënë: “Nata më e madhe në historinë e televizionit”.
Videoja e re vjen ndërsa Rock foli për herë të parë që nga incidenti famëkeq, duke trajtuar shkurtimisht këtë çështje në aktin e tij të parë stand-up që nga Oscars në Boston, të mërkurën mbrëma.