Valmira Hasimllari, 40-vjeçarja që dyshtohet se vrau fëmijën e saj, duke e futur në valixhe direkt pas lindjes, është dërguar ditën e sotme në spitalin psikiatrik të Elbasanit.
Policia ka tentuar ta marrë në pyetje për ngjarjen gruan, por gjendja e saj është shumë e rënduar, duke e bërë të pamundur. Ajo vuan nga probleme mendore psikopatike, ndërsa flet në vetën e tretë për veten e saj. Sipas psikologëve, gruaja ka humbur lidhjen me realitetin.
Familjarët e 40-vjeçares mohojnë se kanë qenë në dijeni për shtatzëninë e saj, edhe pse sipas dëshmive të fqinjëve ata e vizitonin shpesh atë.
Bashkëshorti i saj, Klodian Hasimllari denoncoi në polici mëngjesin e djeshëm foshnjën e vdekur në valixhe, ndërsa mohoi atësinë. Ai ka deklaruar se prej një viti ishte në Greqi në emigracion, dhe në shtëpi ishte kthyer vetëm pak kohë më parë.