Dy avionë të vjetër, të cilët datojnë nga Lufta e Dytë Botërore, janë përplasur teksa dhuronin shfaqje në qiellin e Teksasit dhe aksidenti ka lënë pas të paktën gjashtë viktima.
Lajmin e bëri të ditur gjyqtari i Dallas-it, Clay Jenkins, i cili tha se autoritetet po vijojnë me investigimin e ngjarjes.
Ngjarja ndodhi në orën 13:20, të shtunën, në aeroportin e Dallas-it. Nuk raportohen viktima në zonën ku ranë avionët.
Shoqata e Pilotëve Aleatë, përfaqësuese e pilotëve të “American Airlines”, u shpreh se viktimat e konfrimuara janë Terry Barker dhe Len Root, pilotët respektivë.
Pamjet e publikuara në rrjet tregojnë momentin kur avionët përplasen dhe njëri prej tyre ndahet përgjysmë. Ata përfshihen nga flakët kur prekin tokën.
