Rusia po konsolidon praninë e saj në qytetin-port të Mariupolit duke ndërtuar një bazë të madhe ushtarake.
Kështu tregojnë disa pamje satelitore të publikuara nga kompania që mbikëqyr Tokën, “Maxar”.
Kompleksi i ri në formë U-je ndodhet pranë qendrës së qytetit. Në tarracën e tij duket ylli me ngjyrat e kuqe, të bardhë dhe blu i ushtrisë ruse, shoqëruar me shkrimin “Nga ushtria ruse për popullin e Mariupolit”.
Trupat e Moskës mbajtën të rrethuar për tre muaj qytetin dhe e bombarduan vazhdimisht me artileri, duke e kthyer atë në gërmadhë.
