Ministri i Brendshëm, Bledi Çuçi ka reaguar pas tragjedisë së rëndë ndodhur këtë mëngjes në Ukrainë, ku të paktën 18 persona humbën jetën pas rrëzimit të një helikopteri mbi një çerdhe fëmijësh.
Çuçi shpreh trishtim për humbjet e jetëve, ku mes viktimave mbeti i vrarë edhe ministri i Brendshëm ukrainas dhe dy zyrtarë të tjerë.
“Jashtëzakonisht i trishtuar pas lajmit tragjik të aksidentit me helikopter dhe humbjes së kolegut dhe partnerit të respektuar Denys Monastyrsky në Brovary sot.
Bashkohem me hidhërimin e familjeve të viktimave, drejtuesve politikë dhe popullit të Ukrainës”, shprehet ai.