Euronews Albania ka mundur të sigurojë pamjet e fiksuara nga kamerat e sigurisë, kur automjeti tip ‘Audi’ i kreut të Rithemelimit në Vaun e Dejës, Benard Ndreca, hidhet në erë.
Shpërthimi është tepër i fuqishëm duke dëmtuar makinën në pjesën e motorit.
Ndreca mundet të dalë nga automjeti duke i shpëtuar mrekullisht atentatit.
Vetë Ndreca ka reaguar në lidhje me incidentin, duke thënë se nuk ka konflikte me njeri dhe se sulmi mund të ketë ardhur për shkak të angazhimit të tij politik.
Kamerat e sigurisë kanë kapur dhe momentin kur dy autorët e maskuar kanë vendosur tritolin në pjesën e përparme të makinës nga krahu i shoferit.
Grupi hetimor ndodhet në vendngjarje dhe po vijon mbledhjen e provave që mund të bëjnë të mundur identifikimin dhe kapjen e autorëve.
