Euro vazhdon që të bjerë duke prekur rekorde të tjera negative.
Pas “gropës” së zgjedhjeve pati një rritje të lehtë, por që zgjati shumë pak. Tashmë Euro ka shkuar sërish pikiatë.
Sipas kursit zyrtar të këmbimit të Bankës së Shqipërisë, euro u këmbye sot me 110.19 lekë, në rënie me 0.43 pikë të tjera që nga fundi i javës së kaluar. Rënia vjetore e kursit të këmbimit të euros ka arritur tashmë në pothuajse 9%.
Flukset e larta e hyrëse të monedhës europiane në e kanë rritur ndjeshëm masën monetare në euro.
Këto flukse nuk mund të shpjegohen vetëm me rritjen e fortë të të ardhurave nga turizmi duke ngritur dyshimet për prurjet valutore nga burimet informale.
Rënia e euros po godet bizneset eksportuese të mallrave dhe shërbimeve.