Një ngjarje e rëndë është regjistruar pasditen e kësaj të mërkure në Përmet, ku një person ka humbur jetën në kanionin e Langaricës.
Burimet bëjnë me dije se viktima është një shtetas i huaj turist që kishte shkuar për të eksploruar kanionin në fjalë. Shkak për mbytjen e tij ka qenë dalja nga shtrati e lumit Langaricë si pasojë e reshjeve të shiut. Turistin dyshohet se e ka marrë rrjedha e lumit.
Policia ka zbuluar turistin e huaj të pajetë në vendin e quajtur Mulliri i Bënjes. Ndërkaq rrezikohet edhe jeta e turisteve të tjerë në Langaricë.
Policia si dhe forcat e shërbimit zjarrfikës të Bashkisë Përmet kanë shkuar në vendngjajre dhe po punojnë për shpëtimin e turistëve të tjerë.
