Një 11-vjeçar është dërguar me urgjencë në Spitalin e Pediatrisë në Tiranë, pasi ka rënë në kontakt me energjinë elektrike.
Policia bën me dije se ngjarja ka ndodhur në rrugën “Irfan Tomini” të kryeqytetit, ku i mituri ishte duke luajtur teksa ka prekur aksidentalisht kasetën që furnizon me energji pallatin.
11-vjeçari ndodhet nën kujdesin e mjekëve, ndërsa hetimet vijojnë për sqarimin e rrethanave të plota të ngjarjes.
“Më datë 17.07.2023, rreth orës 18:55, në rrugën “Irfan Tomini”, në afërsi të Qendrës Shëndetësore Nr. 8, një i mitur 11 vjeç, duke luajtur, aksidentalisht ka prekur kasetën që furnizon me energji elektrike pallatin, dhe ka rënë në kontakt me rrymën elektrike.
Si pasojë 11-vjeçari është dëmtuar dhe ndodhet në Spitalin e Pediatrisë, nën kujdesin e mjekëve. Grupi hetimor po punon për sqarimin e rrethanave të ngjarjes”, bën me dije policia.
