Kharkiv në Ukrainën lindore do të ndërtojë shkollën e parë nëntokësore në vend për të mbrojtur nxënësit nga bombardimet e shpeshta dhe sulmet me raketa të Rusisë, tha kryebashkiaku i qytetit.
“Një strehë e tillë do t’u mundësojë mijëra fëmijëve të Kharkivit të vazhdojnë arsimimin,” shkroi kryebashkiaku Ihor Terekhov në Telegram.
Ndërsa shumë shkolla në zonat e vijës së parë janë detyruar të zhvillojnë mësimin në distancë gjatë gjithë luftës, Kharkiv organizoi rreth 60 klasa individuale në stacionet e metrosë përpara fillimit të vitit shkollor më 1 shtator, duke krijuar hapësirë studimi për mbi 1000 fëmijë.
Kharkiv, qyteti i dytë më i madh i Ukrainës, kishte një popullsi prej mbi 1.4 milionë banorësh përpara se Rusia të pushtonte Ukrainën në shkurt 2022.
Pjesë të qytetit janë më pak se 35 km nga kufiri rus dhe goditen pothuajse çdo ditë nga raketat rus.
