Edhe pse është një nga këngëtaret më të famshme botërore, Dua Lipa gjithmonë ka treguar me krenari se është shqiptare dhe ndjek me vëmendje ndryshimet në Shqipëri.
Sëfundmi, Dua ka ripostuar në profilin e saj në Instagram videon e kryebashkiakut Erion Veliaj për Kopshtin e rindërtuar “Sunny Hill” në njësinë nr 5 në kryeqytet që është gati të mirëpresë 300 fëmijë.
Këngëtarja e famshme botërore Dua Lipa, ishte ndër të parat personalitete që iu bashkua nismës së Bashkisë së Tiranës, “Adopto një Kopësht” pas tërmetit të 26 Nëntorit 2019. Pikërisht me fondet e mbledhur nga fushata e organizuar nga fondacioni i Dua Lipës, është mobiluar edhe kopshti i ri “Sunny Hill” në Tiranë.
