Ditën e sotme Drejtoria e Përgjithshme e Burgjeve ka vendosur që dënimin prej 3.4 vite burg, ish-ministri i Brendshëm Saimir Tahiri ta kryejë në burgun e Fierit.
Bëhet me dije se burgu i Fierit është një burg i sigurisë së zakonshme me një kapacitet prej 600 të burgosurish dhe 180 të paraburgosurish.
Pas marrjes së vendimit të formës së prerë Tahiri është transferuar në burgun “313” në Tiranë.
Në këtë burg, Tahirit do t’i lejohet të ketë vetëm 4 vizita në muaj dhe orari është nga e hëna në të premte, ora 08:30 – 15:00.
Kujtojmë që Tahiri është dënuar nga Apeli i GJKKO me akuzën e shpërdorimit të detyrës.
