Të paktën 37 njerëz kanë vdekur në Bangladesh, pasi një traget mori flakë natën e së premtes, ka njoftuar policia e këtij vendi, derisa pasagjerët e tmerruar u hodhën në det për t’i shpëtuar zjarrit.
Tragjedia ndodhi në një lumë rreth 250 kilometra në jug të kryeqytetit të Bangaldeshit, Dhaka.
“Kemi gjetur 37 trupa. Numri i të vdekurve mund të rritet. Shumica vdiqën nga zjarri dhe disa u mbytën në lumë”, i tha AFP-së shefi i policisë lokale, Moinul Islam. Zjarri sipas tij filloi në kabinën e motorit të tragetit.
Pavarësisht së në traget ishe e lejuar të ishin 310 persona, në momentin e tragjedisë aty ishin të paktën 500 njerëz. Shumica prej tyre po ktheheshin në shtëpi nga kryeqyteti.
“Rreth 100 të lënduar nga djegiet janë dërguar në spitalet e Barisal”, tha Moinul Islam.
Në muajin gusht të këtij viti, 21 persona humbën jetën kur u përplasën një varkë e mbushur me pasagjerë dhe një anije mallrash e ngarkuar me rërë.
Derisa në dy aksidente të tjera në muajit prill dhe maj u vdiqën 54 persona. Gjatë vitit të kaluar rreth 100 persona vdiqën si pasojë e si aksidenteve të anijeve./R.E.L
