Ai mund të shkaktojë diabet, sëmundje kardiovaskulare, probleme me aftësitë e trurit dhe sëmundje të veshkave. Në këtë artikull do të mësoni se si të ulni tensionin nëpërmjet 6 hapave të thjeshtë.
Ndryshimet E Vogla Që Luajnë Rol Të Madh Në Uljen E Tensionit
Ulja e tensionit të lartë nuk kërkon ndryshime madhore në stilin e jetesës. Mjaftojnë hapa të vegjël për arritje të mëdha për këtë mision të rëndësishëm për shëndetin.
Humbisni në Peshë
Deri më tani, ekspertë thonë se rënia nga pesha është hapi më efikas për uljen e tensionit të gjakut. Sipas ekspertëve, edhe humbja e 2 kilogramëve mund të ulë tensionin e gjakut.
Lexoni Etiketat – Hiqni kripën
Kripa është një nga produktet më tinëzare që e gjen rrugën në tryezat tona. Ushqimet industriale që blejmë në supermarkete janë të tejmbushura me kripë. Sasia e rekomanduar ditore e kripës për njerëzit që vuajnë nga tensioni i lartë i gjakut është 1.500 mg në ditë. Por kjo është ekuivalente me një majë luge çaji. Ekspertët rekomandojnë që kur të blini ushqime të gatshme në supermarket të lexoni me kujdes etiketat që të zbuloni sasinë e vërtetë të kripës. Produktet më të kriposura janë ato të brumit, picat, proshutat, sallamërat, supat dhe paninet e gatshme.
Lëvizni
Ekspertët rekomandojnë që të kryeni të paktën gjysëm ore në ditë aktivitet fizik për pesë ditë me rradhë. Zgjidhni aktivitetin e preferuar fizik dhe lëvizni në të mirë të shëndetit.
Ngritja e Peshave të Lehta
Ngritja e peshave të lehta është një aspekt i rëndësishëm i aktivitetit fizik. Gratë humbasin shumë masë muskulare me kalimin e moshës ndaj ngritja e peshave është e domosdoshme për rimëkëmbje.
Kujdes me Alkolin
Pirja e tepërt dhe e shpeshtë e alkolit mund të rrisë ndjeshëm tensionin e gjakut, ndaj ekspertët rekomandojnë që të tregoni kujdes.
Stresi
Hormonet e stresit ngushtojnë enët e gjakut dhe rrisin tensionin. Stresi i vazhdueshëm mund të nxisë vese jo të mira që rrezikojnë shëndetin kardiovaskular. Këtu përfshihet: ngrënia e tepërt, gjumi i pakët dhe abuzimi me substanca të ndryshme dhe alkolin. Kjo është arsyeja përse eliminimi i stresit duhet të jetë prioriteti juaj i rradhës.
