Qindra shkolla dhe institucione publike në Bosnje po përballen me një breshëri kërcënimesh mashtruese për bomba, duke i detyruar ato të mbyllen përkohësisht.
Midis institucioneve publike të vëna në shënjestër të enjten ishin Komisioni Kombëtar Zgjedhor dhe disa gjykata në Sarajevë. Të gjithë u desh të evakuoheshin dhe të prisnin që t’u thuhej se godinat ishin të pastra përpara se të rifillonin biznesin.
Një nga spitalet më të mëdha të Bosnjës u vu në shënjestër të enjten. Disa qindra pacientë dhe personeli në spitalin universitar në Banja Luke u udhëzuan të largoheshin për shkak të një kërcënimi me email.
Pas kontrollit në spital, policia boshnjake tha në një deklaratë publike se kishte qenë një alarm i rremë. “Është një sulm i neveritshëm”, u tha gazetarëve të enjten drejtori i spitalit Vlado Djajic.
Të mërkurën, më shumë se 400 shkolla u vunë në shënjestër nga të njëjtat paralajmërime për bomba me email, të cilat pretendonin se sulmuesit kishin planifikuar të “hidhnin në erë shkollën” dhe të vrisnin “mijëra fëmijë serbë”.
Autoritetet nuk e dinë ende se kush qëndron pas kërcënimeve. Shkollat dhe aeroportet në Serbi dhe Mal të Zi kanë përjetuar gjithashtu kohët e fundit një sulm të kërcënimeve të rreme me bomba.
