Emri i tij u shtua në listën e zëvendësuesve të mundshëm të Franck Kessie. Në fund, megjithatë, Milan-i zgjodhi ta forconte mesfushën duke u fokusuar në dy profile të reja si Pobega dhe Vranckx. Megjithatë, emri i Douglas Luiz mund të kthehet në modë në sesionet e ardhshme të merkatos.
Braziliani i Aston Villa-s përfaqëson një profil shumë tërheqës. Lojtari, i lindur në vitin 1998, është i lidhur me klubin e Birminghamit deri më 30 qershor 2023.
Prandaj, Douglas Luiz ka hyrë në vitin e tij të fundit të kontratës dhe nuk duket të ketë ndonjë hapje të madhe në lidhje me rinovimin e kontratës.
The Sun në veçanti thekson se skuadra tjetër e madhe e interesuar për mesfushorin 24-vjeçar është Arsenal-i. Topçinjtë, që e kanë nisur shumë mirë kampionatin, janë një skuadër në rritje dhe synojnë një kualifikim në Champions League që i mungon prej shumë vitesh.Nga Anglia theksojnë se lojtari nuk është i gatshëm të rinovojë kontratën me Aston Villa-n dhe për këtë arsye Arsenal-i do të ishte i gatshëm t’i hidhej në sulm për ta marrë me kosto zero në fund të sezonit.
Megjithatë, tabloidi britanik raporton se Milani nuk ka hequr dorë aspak nga Luiz. Kuqezinjtë, nënvizojnë ata, duket se janë të gatshëm të hapin negociatat janarin e ardhshëm në përpjekje për të “djegur” konkurrencën. Një mundësi reale që Maldini dhe Massara mund të jenë gati ta shfrytëzojnë.
