Shtetet e Bashkuara dhe agjencitë e inteligjencës aleate po shtojnë përpjekjet për të identifikuar çdo lëvizje ushtarake ruse ose komunikim që mund të tregojë se Vladimir Putin ka urdhëruar përdorimin e armëve bërthamore në Ukrainë.
Lajmi u bë i ditur nga Politico, duke iu referuar pesë zyrtarëve aktualë dhe ish-zyrtarë të lartë amerikanë.
Burimet paralajmërojnë se çdo shenjë që lideri rus ka vendosur të bëjë të pamendueshmen – në një përpjekje të dëshpëruar për të kapur iniciativën ose për të frikësuar komunitetin ndërkombëtar për të përmbushur kërkesat e tij – mund të vijë shumë vonë.
Shumica e avionëve rusë, së bashku me raketa konvencionale dhe raketahedhës, mund të japin gjithashtu armë bërthamore taktike më të vogla.
Këto armë janë të dizajnuara për përdorim më të synuar në fushën e betejës sesa armët strategjike si raketat balistike ndërkontinentale.
Ato dërgojnë sinjale kur njësitë e tyre janë në gatishmëri ose grumbullohen për stërvitje.
Kjo do të thotë se nëse Putini ose komandantët e tij nuk duan që bota ta dijë paraprakisht, SHBA-të mund të mos e dijnë kurrë se kur forcat ruse kalojnë nga municionet konvencionale në bomba bërthamore.
“Ne po e shikojmë këtë më nga afër”, tha një zyrtar i qeverisë amerikane me akses në inteligjencën mbi forcat bërthamore dhe strategjinë e Moskës.
Përpjekja e fundit përfshin sjelljen e aseteve shtesë të inteligjencës së SHBA-ve dhe aleatëve – në ajër, hapësirë dhe hapësirën kibernetike – dhe një mbështetje më të madhe në satelitët komercialë për të analizuar njësitë ruse në terren që mund të jenë në gjendje të marrin armë bërthamore, tha zyrtari.
Një zonë tjetër e fokusit jashtë Ukrainës është enklava ruse e Kaliningrad-it, e vendosur midis Polonisë dhe Lituanisë, ku Kremlini ka instaluar sisteme armësh me përdorim të dyfishtë dhe raketa hipersonike.
Gjatë javës së kaluar, faqet e internetit të gjurmimit të fluturimeve kanë treguar disa avionë të mbikqyrjes elektronike të Forcave Ajrore Amerikane RC-135 Rivet Joint që qarkullojnë qytetin, gjoja duke mbledhur të dhëna.
Gjatë viteve të fundit, Rusia ka modernizuar bazat e saj të raketave në Kaliningrad, duke ngritur shqetësime për një ngritje të mundshme bërthamore në zonë.
