Motra e Kim Kardashian, Khloe ka zbuluar se si nga një shenjë në fytyrë mësoi se kishte tumor. Ajo zgjodhi të rrëfehet pasi kishte dëgjuar shumë histori për ‘fashën’ që mbante në fytyrë.
Kardashian tha se ajo vendosi të kontrollonte një “gungë të vogël” që e kishte për 7 muaj dhe nuk i ishte larguar. Fillimisht mendonte se ishte diçka e vogël, por jo.
Me anë të një postimi në rrjete sociale, nëna e dy fëmijëve u shpreh se ishte mirënjohëse për kirurgun e saj.
“Tani vazhdojmë me procesin e shërimit. Ju do të vazhdoni të shihni fashat e mia dhe kur të më lejohet, me siguri do të shihni një shenjë në faqen time, por deri atëherë shpresoj të kënaqeni duke parë se sa fantastike janë këto”, tha Khloe.
Ajo u shpreh se donte të ndante historinë që të gjithë të kontrollohen për lëkurën e tyre.
Kardashian tha se ajo kishte hequr një melanomë nga shpina kur ishte 19 vjeç, por këshilloi edhe ata që nuk janë të predispozuar për kancer të lëkurës që të “kontrollohen gjatë gjithë kohës”.
