Qeveria iraniane ka ndërmarrë disa masa brutale kundër protestuesve, me mbi 100 të vrarë të regjistruar deri tani
Një aktore iraniane ka postuar një video kontroverse në të cilën ajo heq nikabin dhe rrobat e saj derisa është pothuajse plotësisht e zhveshur në një video proteste kundër rregullave autoritare të veshjeve të regjimit iranian.
Elnaaz Norouzi, 30 vjeç, ndau videon në rrjetet e saj sociale, gjatë së cilës ajo heq shaminë e saj të mandatuar nga shteti dhe këmbënguli se “çdo grua duhet të ketë fuqinë të vendosë vetë për trupin e saj!”
Aktorja e krijoi videon për solidaritet me protestat masive që kanë tronditur Iranin që kur Mahsa Amini, 22 vjeç, vdiq në paraburgim pasi u arrestua nga policia e moralit për “veshje të papërshtatshme” më 13 shtator.
Sipas Ushtruesit të detyrës së Komisionerit të Lartë të OKB-së për Të Drejtat e Njeriut Nada al-Nashif, policia e moralit, e cila zbaton ligjet e kodit të veshjes, të cilat përfshijnë gratë që mbulojnë flokët e tyre me hixhab ose shami, e rrahu kokën e zonjës Amini me një shkop dhe e goditi në një nga automjetet e tyre, duke e bërë atë të bjerë në koma.
Zonja Norouzi, e cila luan në serialin indian të krimit, Lojrat e Shenjta, u tha dy milionë ndjekësve të saj në Instagram në video se: “Unë nuk po promovoj lakuriqësinë, unë po promovoj lirinë e zgjedhjes!”
Aktorja e fillon videon e veshur me një nikab dhe rroba të zeza, duke i mbuluar të gjitha, përveç duarve, syve dhe këmbëve. Më pas ajo heq disa shtresa veshjesh, duke përfshirë një fustan, xhinse, një këmishë, një fund dhe një bluzë, si dhe një shtresë të brendshme dhe veshmbathje.
Aktorja shkroi në mbishkrimin e Instagram: “Çdo grua, kudo në botë, pavarësisht se nga është ajo, duhet të ketë të drejtë të veshë çfarëdo që dëshiron dhe kur apo kudo që të dëshirojë ta veshë atë. Asnjë burrë dhe asnjë grua tjetër nuk ka të drejtë ta gjykojë ose t’i kërkojë asaj të vishet ndryshe”.
