Gjatë raportimit vjetor në Kuvend, kryeprokurori i Përgjithshëm, Olsian Çela, u pyet nga deputeti i PD-së, Ivi Kaso, lidhur me gjyqtaren Irena Gjoka. Kaso kërkoi të dinte nëse, sipas Çelës, gjyqtarja kishte kryer vepër penale duke mos deklaruar dënimin.
“Kjo çështje u trajtua gjatë raportimit të ligjeve. Po, është vepër penale. Ia kemi referuar dhe prokurorive të juridiksionit të përgjithshëm, ku ka pasur 13 raste për deklarime të rreme. Ka sanksione për këtë çështje,” u shpreh kryeprokurori.
