Pas 16 orësh kërkime, janë gjetur trupat e babë e bir, të cilët u rrëmbyen nga rrjedha e ujit të përroit teksa ndodheshin në automjetin e tyre në Shkrel të Shkodrës, ditën e djeshme.
Pas ndërprerjes mbrëmjen e djeshme, kërkimet rinisën sërish mëngjesin e sotëm nga polumbarët e RENEA-s, grupi i evakuim-shpëtimit, grupi alpin i FNSH Shkodër dhe u bë e mundur gjetja e trupave në Bogë.
Bëhet fjalë për 50-vjeçarin Pjetër Rushajn dhe djalin e tij, që ndodhej së brenda automjetit që mori përpara rrjedha e ujit të përroit mesditën e së dielës.
Brenda makinës ndodhej dhe vajza e Rushajt, por kjo e fundit ka arritur të shpëtojë dhe ndodhet jashtë rrezikut për jetën.
Moti i keq ka përfshirë Shqipërinë, ku qyteti më problematik aktualisht mbetet Shkodra.
