Në kuadër të samitit me Bashkimit Evropian dhe Ballkanit Perëndimor data 6 do të shpallet ditë pushimi vetëm në Tiranë.
Për këtë event janë marrë dhe një sërë masash për të garantuar sigurinë dhe shmangur çdo incident.
Perimetri i sigurisë do të fillojë nga ura e Dajtit deri tek sheshi Nënë Tereza.
Për këtë do të jenë të angazhuara 16 nivele sigurie, përgjatë këtij perimetri.
Autoritetet do të pajisen me beixh-in përkatës dhe nuk do të lejohet kalimi i asnjë personi të paautorizuar.
Në Tiranë do të mbërrijnë rreth 45 delegacione të huaja.
Ndërkohë me datën 5 dhjetor do të mbërrijnë në Tiranë disa nga kryeministrat e pranishëm në Samit për të zhvilluar vizita bilaterale dhe zyrtare me kryeministrin Rama. Ndërsa kryeministri grek do të zhvillojë me kryeminstrin Rama takim zyrtar më 7 dhjetor.
Më 6 dhjetor në Tiranë do të zhvillohet edhe protesta e thirrur nga Partia Demokratike ku pritet ti bashkohet edhe Partia e Lirisë.
