Bosi shqiptar i trafikut të drogës, Dritan Rexhepi, është dënuar me 20 vite burg në mungesë nga drejtësia italiane.
Lajmin e bënë të ditur mediat e huaja, sipas të cilave, ai është dënuar për trafikun ndërkombëtar të drogës mes Ekuadorit dhe Firences dhe akuzohet se ishte pjesëtar i një rrjeti ndërkombëtar të drogës, i quajtur “Kompania Bello.”
Por gjykata rrëzoi akuzat e “supershoqatës” mes tre karteleve. Kartelet shqiptare importonin kokainë në Itali dhe veçanërisht në Firence, falë një rrjeti ndërkombëtar të lidhur midis Ekuadorit dhe Evropës.
Por hipoteza akuzuese e një “supershoqate kriminale”, e lindur nga një pakt mes klaneve, nuk qëndroi para gjyqtares së çështjes Silvia Romeo.
Hetimet për këtë çështje kishin nisur që në vitin 2015 dhe çuan në sekuestrimin e 5 milionë euro e gjysmë dhe 4 tonë kokainë.
Ato ishin përqëndruar fillimisht në një qelizë fiorentine, ekzistenca e së cilës ishte zbuluar duke hetuar një episod në dukje të parëndësishëm në lidhje me një përleshje të dhunshme mes subjekteve të lidhura me shfrytëzimin e prostitucionit që shpërtheu në via delle Medaglie d’Oro, në Rifredi.
Kujtojëm se Rexhepi është i dënuar nga disa vende, për çështje të ndryshme penale, duke nisur nga trafiku ndërkombëtar i drogës, te vrasjet dhe arratisjet e bujshme nga burgjet.
