Kreu i qeverisë, Edi Rama ka bërë me dije se kësti i parë i Taksës së Jashtëzakonshme mbi prodhuesit e mëdhenj të energjisë do të mblidhet në muajin prill.
Përmes një postimi në Facebook, Rama shkruan se kjo taksë do të shërbejë për të mbështetur pensionistët.
“Në prill mblidhet kësti i parë i Taksës së Jashtëzakonshme mbi prodhuesit e mëdhenj të energjisë dhe siç jemi zotuar, kjo taksë do të shërbejë për të mbështetur në radhë të parë pensionistët, e sipas mundësisë dhe radhës kategoritë më në nevojë”, shkroi Rama, i cili ndodhet në mbledhje me ministrat.
