Majdanozi me gjethe të gjelbër është specie e rrallë e kultivuar në zonë.
Ka bimë delikate, me shumë degëzime të holla. Gjethet janë të brishta e aromatike.
Prodhimi vjen për tu vjelë 45-50 ditë pas mbirjes farës.
Mbjellja bëhet në vllaja, me shpërndarje të farës ose me rreshta me largësi midis tyre 20 cm.
Kryhen ujitje dhe pastrim i barërave në mes bimëve.
Preferohet si erzë e freskët për konsum në familje dhe për tregun lokal. Përdoret edhe në aromatizimin e turshive të patëllxhanit, etj.
Ka rrezik zhdukjeje, sepse në treg qarkullojnë paketa me farë të kultivarëve të huaj.
A e dinit se?
Majdanozi është përdorur gjerësisht në Romën e lashtë si një përbërës sallatash, për eliminimin e efekteve të alkolit të tepërt dhe në kurora.
Majdanozi është një nga barishtet më të përdorura në mbarë botën.
Përtypja e majdanozit eliminon erën e keqe të gojës, veçanërisht pasi keni ngrënë hudhër.
Çaji i majdanozit përmirëson qarkullimin e gjakut.
Gratë shtatzënë duhet të shmangin konsumin e majdanozit sepse nxit kontraktimet e mitrës dhe mund të shkaktojë abort të pavullnetshëm.
Majdanozi përdoret në industrinë kozmetike për përgatitjen e sapunëve dhe kremërave të trupit për lëkurë të thatë./AgroWeb.org
