Teksa Lojërat Olimpike po vazhdojnë të dhurojnë spektakël, një skandal ka zbehur organizimin e tyre.
Toshiro Muto, Drejtori i Përgjithshëm i lojërave që po mbahen në Tokio ka konfirmuar se një numër i konsiderueshëm i atletëve janë zënë duke konsumuar alkool brenda Fshatit Olimpik.
“Natën e 31 korrikut, shumë atletë dhe anëtarë të delegacionit ishin në park brenda Fshatit dhe ata po pinin alkooli dhe ishin të vetëdijshëm për këtë fakt”, ka thënë ai.
“Ne jemi duke e hetuar rastin dhe bazuar në rezultatet, do të ndërmarrim masa të duhura”.
Edhe pse është e kundërligjshme të konsumohet alkooli në një nivel të tilla të garave, atletëve nuk u është ndaluar një gjë e tillë të bëhej në dhomat e tyre.
Mirëpo, kur atletët kanë filluar të konsumonin alkoolin jashtë dhomave të tyre dhe në ambient të hapur, atëherë është ngritur alarmi.
Atletët e zënë duke konsumuar alkool pritet që të suspendohen dhe të përballen me masa disiplinore.
