Deklaratë e Unionit të Gazetarëve Shqiptarë
Dënojmë dhunën mbi gazetarin Gjergj Zefi
Tiranë më 3.10.2023
Unioni i Gazetarëve Shqiptarë dënon ashpër dhunën e ushtruar ndaj gazetarit Gjergj Zefi, mbasditen e së martës më 3 Tetor 2023, në një ndër rrugët e Turanës. Goditjet fizike me mjete të forta mbi gazetarin, lëndimet e tij, përbëjnë një akt të rëndë.
UGSH u bën thirrje autoriteteve të shtetit, të gjejnë menjëherë autorin dhe ta çojnë para drejtësisë.
Dhuna fizike ndaj gazetarëve është një akt i papranueshëm në një shoqëri normale.
Unioni i Gazetarëve Shqiptarë, kërkon ndaj institucioneve dhe autoriteteve të vendit, që të parandalojnë dhe të mos përkrahin klimën e kërcënimit ndaj reporterëve dhe redaktorëve të mediave.
Sa më e lirë të jetë një media, aq e lirë është shoqëria. Dhuna e kërcënimi ndaj lirisë së fjalës është këmbanë alarmi për të gjithë qytetarët, ndërsa agresioni fizik mbi punonjësit e mediave është krim i rëndë dhe me pasoja për krejt shoqërinë.
Zyra Informuese
Unioni i Gazetarëve Shqiptarë
