Të jesh djali i një prej yjeve më të mëdhenj nuk duhet të jetë e lehtë. Kjo vlen edhe për Cristiano Jr., djalin e madh të Cristiano Ronaldos. 11-vjeçari është kritikuar ashpër orët e fundit përmes rrjeteve sociale për një nga veshjet e tij të shfaqura në Instagramin zyrtar të gjyshes së tij, Dolores Aveiro.
Cristiano Jr. shfaqet me gjyshen e tij me detin në sfond, ka veshur një xhup të markës “Nike” dhe çorape të markës “Adidas”, gjë që ka sjellë një mori talljesh për shkak të kombinimit të markave.
Si mund të ndodhte ndryshe, babai i tij, futbollisti i Manchester United, Cristiano Ronaldo, ka dalë në mbrojtje të djalit të madh dhe iu është përgjigjur komenteve në fotografinë që kritikonte Cristiano jr. “Vesh çfarë të dojë, jo çfarë të duash ti”, – u përgjigj ylli portugez.
Kjo përgjigje e Cristiano Ronaldos ka më shumë se 10 mijë “like” dhe është duartrokitur nga fansat e sulmuesit të Manchester United. Mbrojtja e portugezit ndaj djalit të tij të madh nuk ka qëndruar vetëm deri këtu.
Dolores Aveiro ndau një tjetër foto me nipin e saj në të cilën ai shfaqet i veshur me atlete “Adidas”, ato prestigjiozet “Yeezy Foam Runner”. Ky është një produkt i markës në bashkëpunim me Kanye West.
Nisur nga komentet që kritikonin ‘look’-un e vogëlushit, futbollisti doli sërish në mbrojtje të CR Jr. “Nuk janë për ata që duan, por për ata që munden”, – ka shkruar portugezi në Instagram.
