Presidenti i Ukrainës, Volodymyr Zelensky ka zbardhur telefonatën me kryeministrin Edi Rama.
Përmes një postimi në Twitter, kreu i shtetit të Ukrainës thekson se veç urimit për 30-vjetorin e marrëdhënieve diplomatike mes dy vendeve, gjatë bisedës u diskutua për situatën në frontin e luftës.
Ai theksoi rëndësinë e rritjes së ndihmës për sigurinë në Ukrainë, ndërsa më 24 shkurt bëhet një vit nga nisja e luftës.
“Kam pasur një bisedë telefonike me kryeministrin shqiptar Edi Rama. Ai uroi 30-vjetorin e marrëdhënieve diplomatike mes vendeve tona, vuri në dukje hapjen e ambasadës në Kiev.
Diskutuam situatën në front, rëndësinë e rritjes së ndihmës për sigurinë në Ukrainë dhe mbështetjen e Formulës sonë të Paqes”, shkruan Zelensky.
