Këngëtarja e mirënjohur e muzikës popullore, Irini Qirjako, së fundmi ka qenë e ftuar në emisionin ‘Glamour Zone’, ku zbuloi disa nga historitë më të dhimbshme të jetës së saj.
Fillimisht Irini i bëri një kamerë të fshehtë bashkëshortit të saj, duke i thënë se e kapi mat me një femër bjonde.
Gjatë përballjes së çiftit në emisionin ‘Glamour Zone’, situata arriti deri në pikën që bashkëshorti i tha se nëse i jep foton ai do të vrasë veten.
Më pas, Irini zbuloi dhe një nga momentet më të vështira të jetës.
Ester Bylyku: Gjatë gjithë këtyre viteve karrierë, cili ka qenë momenti yt më i vështirë?
Irini Qirjako: Kur vdiq nëna ime në Gusht 2022. Unë e lash nënën në spital. Ajo ishte shumë rëndë. Ajo po jepte shpirt dhe ditën e katërt vdiq, në Athinë. Ndërkohë që mua më duhej të kthehesha në Tiranë sepse atë ditë kisha një aktivitet shumë të rëndësishëm.
