Profesori Refik Hasani ka kërkuar që t`i bëhet presion Serbisë në mënyrë që ta largojë Kosovën nga preambula e Kushtetuese.
Shkrimi i plotë:
Sa më shumë që Beogradi e ZVARRIT njohjen e Prishtinës aq më shumë zgjaten edhe problemet brenda vetë kësaj Serbie.
Bashkësia Ndërkombëtare, duhet fokusuar që Serbia të formoj e përfshij në Kushtetutë bashkësi, Krahina e Rajone Etnike, dhe të anuloj të figuron Republika e Kosovës nga preambula e Kushtetutës së Serbisë , pasi tani është Republikë Sovrane dhe e Pavarur, si një shtet i njohur ndërkombëtarisht nga shumica e shteteve të botës, merrë pjesë dhe ftohet nga instanca e mekanizma të BE- dhe OKB-ës.
Nga Serbia janë ndarë e pavarësuar popujt Sllav të Jugut si që janë Maqedonasit, Kroatët, Malazezët, kurse ne shqiptarë asgjë nuk kemi të përbashkët me Serbët, në kuptimin e Gjuhës, kulturës, traditës përveç që jemi fqinjë.
Bashkësia Ndërkombëtare, duhet fokusuar që Serbia dhe të drejtoj presionin që Serbia, të përfshij në Kushtetutë dhe të formoj, si:
Bashkësi Etnike të Komunave Hungareze në Vojvodin,
Bashkësi Etnike të Komunave Shqiptare në Serbisë,
Bashkësi Etnike të Komunave Bullgare në Serbi,
Bashkësi Etnike të Komunave Boshnjake në Serbi, etj.
Duke i diskriminuar popullatën e këtyre rajoneve apo krahinave me shumicë dhe territor kompakt, Beogradi dëshiron që vëmendjen ta tërheq vetëm në dhe rreth Kosovës. Duke e penguar pafundësisht Kosovën, dëshiron që edhe më tej të mundohet ti mbulon edhe problemet jo të vogla që kurdoherë, duhet të ballafaqohet për ta gjetur një zgjidhje.
Serbia nuk e ka zgjidhur çështjen e pakicave, përmes 22 Këshillave Nacionale, që funksionojnë. Serbia e ka ,,zgjidhur çështjen e pakicave’’, përmes disa këshillave nacionale, kurse Beogradi kërkon autonomi territoriale për bashkëkombësit e vetë në Kosovë që përbëjnë më pak se 4%, të gjithë popullatës në Republikën e Kosovës.
Serbia të përgatitet edhe për Federatë/Konfederatë apo kantonizim e saj
Nëse me njohjen e shtetit të Kosovës nga Beogradi supozojmë se mbyllet kaptina rregullimi çështjes së ,,brendshme ” të Serbisë. Vojvodina si ish-Njësi e barabartë në këtë federatë duhet ti përcaktoj lidhjet me Serbinë dhe çfarë statusi kërkojnë të kenë në këtë Hungarezët.
Serbia të bën riorganizimin e saj të brendshëm si një federatë me republika apo Kantone të veçanta
Nëse bashkësia ndërkombëtare dëshiron ti josh, shpërblen serbët lokal të Kosovës me një autonomi, nuk do të mundë ti ndal kërkesat e Krahinës, së:
– Vojvodinës ,
– Medvegjë, Bujanoc, Preshevë
– Sanxhakut dhe
– Rajonit i banuar me Bullgarë .
Serbia të bën riorganizimin e saj të brendshëm si një federatë me tri republika si njësi autonome e Vojvodinës, Sanxhakut dhe e Medvegjë, Bujanoc, Preshevë dhe një Kanton të veçantë të banuar me Bullgarë.Pra në këto Njësi Serbia duhet të federalizohet.
Të përgatitet opinioni dhe akademia e Serbisë që nuk mundë t`i diskriminoj të drejtat kolektive të :
-Hungarezëve,
-Shqiptarëve,
-Boshnjakëve dhe
-Bullgarëve
Këtyre ju takon një Autonomi, Krahinë më tepër se kulturore. Kurse Romëve edhe Rumunëve jo në numër të vogël në Serbinë e sotshme si drejta të minoriteteve që ju takojnë me konventa evropiane dhe ndërkombëtare.
Në mesë të shteteve kërkohet reciprociteti në të gjitha raportet bilaterale
Nuk është e arsyeshme që zhagitja për mbylljen çështjes së Kosovës ,, do ti pengoj ” apo do ti mbaj peng për një kohë të gjatë edhe hapjen e çështjeve që përballet Serbia.
Beogradi përmes kërkesës dhe zhurmës së krijuara në opinion të gjerë për ndarje të Kosovës me një guri godet dhe mbron çështje fondamentale :
– Pengon funksionimin e Kosovës si shtet ,
– Pengon Boshnjakët e Sanxhakut për realizimin e të drejtave të tyre kolektive ,
– Favorizohen Serbët e Bosnjës dhe
– Pengohet funksionimi i Federatës së Bosnjë Hercegovinës. Kërkesa e Beogradit për një autonomi për veriun e Kosovës është e favorshme indirekt edhe për Malin e Zi , pasi Sanxhaku shtrihet në këto dy shtete. Për Podgoricën në njërën anë është mirë pasi i amortizon kërkesat në rritje të boshnjakëve, por në anën tjetër, JO mirë pasi shqiptarët nga Podgorica nuk janë të kënaqur me realizimin e të drejtave të tyre kolektive.