Greqia dhe Shqipëria janë në nivelin më të mirë të marrëdhënieve në dhjetë vitet e fundit. Pak muaj më parë, dy kryeministrat patën një takim shumë të mirë në fshatrat minoritare të Shqipërisë, ku edhe Rama premtoi se do të emërtojë një shesh me emrin e babait të Mitsotakis. Pas disa muajsh, Mitsotakis e ftoi Ramën në Zappeion në Athinë për një ekspozitë me pikturat e tij. 1 vit më parë u dha angazhimi nga të dy vendet për të gjetur një zgjidhje për AOZ dhe siç rezulton Greqia është një mbështetëse e fortë e Shqipërisë në rrugën e saj drejt Bashkimit Europian. Nga ana tjetër, në Himarë këto 12 vitet e fundit ka një marrëdhënie harmonike mes banorëve të pjesës tjetër të Shqipërisë dhe himariotëve. Diçka që nuk ekzistonte kur kryetar bashkie ishte Bolanos i Omonias. Asokohe, pjesa tjetër e shqiptarëve nuk i shikonin me sy të mirë himarjotët, për shkak të qëndrimit dhe raporteve të Bolanos në Vorio Epir, rrëzimit të tabelave shqiptare etj. Shumë prej jush do e mbajnë mend. Por këto ditët e fundit kjo situatë është trazuar dhe çdo ditë e më shumë po përkeqësohet dhe kjo për shkak të kandidatit me 5 emrat, secili prej të cilëve është në ballinën e të gjitha gazetave shqiptare, si për pozicionin e tij, referimet e tij për origjinën e shqiptarëve nga Kaukazi, për evolucionin e Himarës, foto me njerëz non grata si Babis Karathanos, foto me flamurin e Vorio Epirit dhe shumë të tjera. Por jam i sigurt që të gjithë jemi një popull që nuk duam që të armiqësojmë klimën me pjesën tjetër të shqiptarëve, pse duhet të ndodhë kjo? Pse duhet të bëjmë përsëri armiq? Ne duhet të jetojmë në harmoni me të tjerët. Grekët dhe shqiptarët nuk janë armiq, por pozita e Belerit do ta shkatërrojë atë
